પોરબંદર જીલ્લા રોજગાર કચેરી દ્વારા વોકેશનલ ટ્રેનર્સની સજ્જતા તાલીમ.
પોરબંદર જીલ્લા રોજગાર વિનિમય કચેરી દ્વારા પોરબંદર જિલ્લાના વિવિધ શાળાઓના વોકેશનલ ટ્રેનર્સને સજ્જતાની તાલીમ આપવા માટે ૫ દિવસીય સત્રનું આયોજન કરાયું.
આ તાલીમમાં ૧૯ ટ્રેનર્સે ભાગ લીધો અને જીલ્લા રોજગાર વિનિમય કચેરીની વિવિધ સેવાઓ, સાથે જ કારકિર્દી સંભવનાઓ અંગે જાણકારી મેળવી.
જેમાં ઓટૉમેટીવ, એગ્રીકલ્ચર, ઇલેક્ટ્રોનિક્સ, હાર્ડવેર, બ્યુટી એન્ડ વેલનેસ, હેલ્થ કેર, આઇ.ટી., બેંકિંગ, અને ફાઇનાન્સ જેવા વિવિધ ક્ષેત્રોને આવરી લેવામાં આવ્યા. આ ઉપરાંત, વિદ્યાર્થીના કારકિર્દી ઘડતર માટે કેરીયર કાઉંસેલિંગના મહત્વ અને માર્ગદર્શન વિષે ચર્ચા થઈ.
તાલીમમાં પ્રશ્નોત્તરી દ્વારા ટ્રેનર્સના પ્રશ્નોનું સમાધાન પણ આપવામાં આવ્યું, આ તાલીમમાં સમગ્ર શિક્ષાનાં જીલ્લા કો-ઓર્ડિનેટર શ્રી જયશ્રીબેન સુત્રેજા, એ.આર. & વી.ઇ. કોર્ડીનેટર જીતેશભાઇ સુવા ઉપસ્થિત રહ્યા હતા.