ડોન: સહ્યાદ્રીની ગોદમાં વસેલું સ્વર્ગ
"ડોન હિલ સ્ટેશન દક્ષિણ ગુજરાતના ડાંગ જિલ્લામાં આવેલું, સહ્યાદ્રી પર્વતમાળાનું એક સુંદર અને શાંત હિલ સ્ટેશન છે, જે પ્રવાસીઓ માટે પ્રકૃતિની ખુશ્બુમાં ડૂબેલું છે. ૩૦ કિ.મી.ના અંતરે આહવા પાસેથી આવેલું આ સ્થળ, લગભગ ૧૦૭૦ મીટરની ઊંચાઇ પર છે અને તેની મનોહરતા ચોમાસામાં વિશેષ મોહક લાગે છે. અહીંના ઍનાકોન્ડા(સર્પાકાર) જેવા વળાંકવાળા રસ્તાઓ, ઊંચા પર્વતોમાંથી વહેતા ઝરણાંઓ, અને લીલી વનરાજી આકર્ષણનું કેન્દ્ર છે."
"આ પર્વતીય સ્થાન ટૂંકા સમયગાળા માં લોકપ્રિય બન્યું છે, અને ખાસ કરીને તે લોકો માટે આદર્શ સ્થળ છે, જેમને ટ્રેકિંગ અને કેમ્પિંગનો શોખ છે. અહીંની આદિવાસી સંસ્કૃતિ અને સ્વાભાવિક જીવનશૈલી પણ પ્રવાસીઓમાં આકર્ષણ જાગવે છે. પ્રકૃતિની અનુકૂળતાથી ભરેલું આ સ્થળ ચોમાસામાં વાદળો અને ધુમ્મસીયુ વાતાવરણને કારણે જાદુઈ દેખાય છે."
ડોન હિલ સ્ટેશન ગુજરાતના ડાંગ જિલ્લામાં સહ્યાદ્રી પર્વતમાળામાં આવેલું એક ખાસ અને અપ્રસિદ્ધ હિલ સ્ટેશન છે. જો કે સાપુતારા માટે જાણીતું છે, ડોન તેની કુદરતી સુંદરતા અને શાંત વાતાવરણ માટે વિશેષ મહત્વ ધરાવે છે. આહવા થી ૩૦ કિ.મી. અને મહારાષ્ટ્રની બોર્ડરથી માત્ર ૩ કિ.મી. દૂર આ સ્થાન ૧૦૭૦ મીટરની ઊંચાઇ પર છે, જે સાપુતારા કરતા આશરે ૧૦૦ મીટર વધુ છે.
ડોનના કુદરતી આકર્ષણો:
રસ્તાઓ:
ડોન સુધી પહોંચવાના ઍનાકોન્ડા(સર્પાકાર )જેવા પર્વતીય વળાંકવાળા રસ્તાઓ પ્રવાસીઓ માટે અનોખો અનુભવ છે. આ ચક્કરવાાટ વાળો રસ્તો ગાઢ વન અને ખીણના દ્રશ્યો સાથે ધીરે-ધીરે ઊંચે જાય છે.
ઝરણાઓ:
ચોમાસાની ઋતુમાં ડોનની હરીયાળી ચાદરમાં ખીલેલા ઝરણાઓ, જે પર્વતો પરથી નીચે વહે છે, કુદરતી સૌંદર્યને વધારી આપે છે. અહીંના સ્વયંભુ શિવલિંગ પર ઝરણાનું પાણી નીરાંગીત અભિષેક કરે છે, જે આકર્ષણનું કેન્દ્ર છે.
વનરાજી અને હરીયાળી:
ડોનની આસપાસની પર્વતોની લીલી વનરાજી ચોમાસામાં વિશેષ મોહક બને છે. આ વિસ્તાર ઘાસથી ઢંકાયેલો છે અને વૃક્ષો, વેલા, અને ફૂલોની વિવિધતા પ્રકૃતિના સૌંદર્યનો અનુભવ કરાવે છે. ઉનાળામાં કાંટાવાળી લતાઓ પર ખીલેલા ફૂલો અને વૃક્ષો શાંત સૌંદર્યનું આભાસ કરાવે છે.
ટ્રેકિંગ અને કેમ્પિંગ માટે અનુકૂળ:
ડોન ટ્રેકિંગ માટે પ્રસિદ્ધ છે. ઉંચા-નીચા ઢોળાવ અને ગાઢ વન પ્રદેશ હોવાથી અહીં ટ્રેકિંગના આકર્ષક પોઇન્ટ છે. ચોમાસામાં ઘણાં ટ્રેકર્સ ટેન્ટ અને જરૂરી સામાન સાથે પ્રકૃતિની નજીક રહેવા માટે અહીં આવે છે.
મનમોહક વાતાવરણ:
ડોનનો હવા આદરજનક ઠંડક ધરાવે છે, જે ઉનાળામાં પણ આનંદ આપે છે. ચોમાસામાં વાદળો અને ધુમ્મસીયુ વાતાવરણથી આ સ્થળ જાણે સ્વર્ગ જેવા મનોરમ દ્રશ્યો સર્જે છે, જ્યાં પ્રવાસીઓને વાદળોથી ઢંકાયેલું હિલ સ્ટેશન જોવા મળે છે.
આદિવાસી સંસ્કૃતિ અને રહેઠાણ:
અહીંના આદિવાસીઓ શરમાળ પ્રકૃતિ ધરાવે છે અને મુખ્યત્વે ખેતી અને પશુપાલનના વ્યવસાય સાથે સંકળાયેલા છે. તેમના નાગલીના રોટલા અને વાંસના શાક જેવા ઢીલા અને સ્વાદિષ્ટ ખોરાકનો સ્વાદ પણ પ્રવાસીઓ લય શકે છે. આ લોકોના પ્રકૃતિમય ઘરો અને જીવનશૈલી ડોનને વિશિષ્ટ બનાવે છે.
ડોન નામ પાછળની કથા:
આ સ્થળનું નામ પ્રાચીન કથા અનુસાર દ્રોણાચાર્યના આશ્રમ પરથી "દ્રોણ" રાખવામાં આવ્યું હતું, જે અંગ્રેજોના આગમન સાથે “ડોન” બની ગયું.
પ્રવાસની સૂચનાઓ:
ડોનમાં રહેઠાણ અને ભોજન માટેની સુવિધાઓ ખાસ નથી, તેથી નાસ્તો અને જરૂરી સામાન સાથે લાવવો જરૂરી છે. આહવામાં રહેણાક અને ભોજનની વ્યવસ્થા શક્ય છે. ડોન સુધીની સફર માટે વાહનની વ્યવસ્થા કરવી યોગ્ય રહેશે, કેમ કે રસ્તા અને નેટવર્ક કનેક્શનની મર્યાદાઓ છે.