ગુજરાત પોલીસના સ્નિફર ડોગ્સની પ્રશંસનીય કામગીરી: ગુનાઓ ઉકેલવામાં અગ્રણી ભૂમિકા

 ગુજરાત પોલીસના સ્નિફર ડોગ્સની પ્રશંસનીય કામગીરી: ગુનાઓ ઉકેલવામાં અગ્રણી ભૂમિકા

ગુજરાત પોલીસના સ્નિફર ડોગ્સે અત્યાર સુધીની કામગીરીમાં મહત્ત્વપૂર્ણ યોગદાન આપ્યું છે. છેલ્લાં છ મહિનામાં, આ સ્નિફર ડોગ્સની ટીમે અનેક ગુનાઓ ઉકેલવામાં સારો પ્રભાવ રજૂ કર્યો છે. તેઓના કુશળતા અને તાલીમ દ્વારા, આ ટિમે એકદમ મહત્ત્વપૂર્ણ કેસોને ઉકેલવામાં સફળતા મેળવી છે, જેમાં બે એન.ડી.પી.એસ (નાર્કોટિક્સ)ના કેસો, એક હત્યા, બળાત્કાર, ઘરફોડ અને બે ચોરીના ગુનાઓનો સમાવેશ થાય છે.

1. નાર્કોટિક્સ ગુનાનો ઉકેલ

‘ગુલાબ’ ડોગ: 21 ઓક્ટોબર 2024 ના રોજ, ગાંધીધામ એક્સપ્રેસ ટ્રેનમાં, તાલીમબદ્ધ નાર્કોટિક્સ ડોગ ‘ગુલાબ’એ મિઠાઇના પેકેટમાં છુપાવેલા ગાંજાના જથ્થાને શોધી કઢાયો. તેણે સ્ટીલના ડબ્બામાં સેલોટેપથી સેટ કરેલા ગાંજાને ચોકસાઇથી ડિટેક્ટ કર્યું.

‘કેપ્ટો’ ડોગ: 14 ઓક્ટોબર 2024 ના રોજ, રાજકોટ જિલ્લાના ધોરાજી વિસ્તારમાં, ‘કેપ્ટો’ ડોગે 12 કિલો ગાંજાને એક ઘરમાંથી બાથરૂમમાં છુપાવેલું શોધી કાઢ્યું.

2. હત્યાના ગુનાનો ઉકેલ

‘બીના’ ડોગ: ભાવનગર ખાતે ‘બીના’ ડોગે લોહીના ડાઘોની આપેલી સુગંધને અનુસરીને મર્ડરના ત્રણ આરોપીઓનો શોધી કાઢ્યા.

3. ચોરી અને બળાત્કાર ગુનાઓમાં સિદ્ધિ

‘પેની’ ડોગ: અમદાવાદના ગ્રામ્ય વિસ્તારમાં થયેલી રૂ.1.07 કરોડની ચોરીના ગુનામાં, ‘પેની’ ડોગે સ્કુલ બેગ અને પાણી બોટલની સુગંધ ઓળખી ચોરીના ગુનામાં કડી શોધી.

‘પાવર’ ડોગ: બળાત્કારના ગુનામાં, ‘પાવર’ ડોગે ચંપલની સુગંધ શોધી અને ગુનામાં વપરાયેલા બાઇકની ઓળખ કરી પોલીસને મદદ આપી.

4. રાજ્યના પોલીસ વડાની પ્રશંસા

ગુજરાત રાજ્યના પોલીસ વડા શ્રી વિકાસ સહાયે સ્નિફર ડોગ્સ અને તેમના હેન્ડલર્સની પ્રશંસા કરી, તેમના પ્રયાસો માટે તેમને અભિનંદન પાઠવ્યા છે. આ કુશળ ટીમના પ્રયાસોથી અનેક ગુનાઓને ઉકેલવામાં મદદ મળી છે, અને આ કાર્ય પોલીસ પ્રથાઓની શ્રેષ્ઠતા અને કાર્યક્ષમતાનું પ્રતિક છે

ગુજરાત પોલીસના સ્નિફર ડોગ્સ, તેમની શ્રેષ્ઠ તાલીમ અને કુશળતાથી, ગુનાના તપાસમાં મહત્ત્વપૂર્ણ ભૂમિકા ભજવી રહ્યા છે. તેમની કામગીરી અન્ય રાજ્ય પોલીસ વિભાગો માટે એક શ્રેષ્ઠ દ્રષ્ટાંત છે.

#vadodara #snifferdog #trained #admirablework #crime #criminalcases #solvesuccessfully #gujaratpolice #InfoGujarat