કલામહાકુંભમાં ચીખલીના રચિત પટેલે હાર્મોનિયમ સ્પર્ધામાં રાજ્યકક્ષાએ દ્વિતીય સ્થાન મેળવ્યું.
ગુજરાતમાં કલા અને સાંસ્કૃતિક વારસાને ઉર્જાવાન બનાવવા માટે દર વર્ષે કલામહાકુંભ નું આયોજન થાય છે, જેમાં રાજયભરના કલા પ્રેમીઓ ભાગ લે છે. આ વર્ષ 2025માં યોજાયેલા કલામહાકુંભ (તારીખ 17 થી 20 માર્ચ) દરમિયાન ચીખલીના યુવા સંગીતકાર રચિત વિમલભાઈ પટેલે રાજ્યકક્ષાની હાર્મોનિયમ સોલો સ્પર્ધામાં દ્વિતીય સ્થાન મેળવી ચીખલી તાલુકાનું અને નવસારી જિલ્લાનું નામ રોશન કર્યું છે.
સંગીતની યાત્રા અને તાલીમ
રચિત પટેલે સાઈરૂપક મ્યુઝિક એકેડમી માં સંગીતની તાલીમ લીધી છે. હાર્મોનિયમ એક સંગીતવાદ્ય છે, જે સ્વર અને તાલના સમન્વય માટે અત્યંત મહત્વપૂર્ણ છે. વર્ષોથી તેમના સાધના અને મહેનતનું પરિણામ છે કે આજે તેઓ રાજ્યકક્ષાએ શાનદાર પ્રદર્શન કરી શક્યા.
રચિત પટેલનો પરિચય : રચિત વિમલભાઈ પટેલ ચીખલી તાલુકાના ચીમલા ગામના વતની છે. તેમનાં માતાપિતા ખેરગામ તાલુકાની પ્રાથમિક શાળામાં શિક્ષક તરીકે ફરજ બજાવે છે.
સ્પર્ધા અને પ્રદર્શન
આ સ્પર્ધા અમદાવાદ-ગાંધીનગર ખાતે યોજાઈ હતી, જ્યાં 21 થી 59 વર્ષ ના ઉંમર જૂથના હાર્મોનિયમ સોલો સ્પર્ધકો વચ્ચે જોરદાર સ્પર્ધા હતી. રાજ્યભરના પ્રતિભાશાળી કલાકારોએ ભાગ લીધો હતો, જેમાં રચિત પટેલે પોતાની અદભૂત પ્રતિભા દ્વારા દ્વિતીય ક્રમ પ્રાપ્ત કર્યો.
રચિત પટેલ માટે ભવિષ્યની શુભકામનાઓ
રચિત પટેલના આ વિજયથી ચીખલી અને નવસારીની સંગીતપ્રેમી પ્રજાને ગૌરવની લાગણી અનુભવાઈ છે. તેમના આ સિદ્ધિને સંગીતક્ષેત્રે વધુ એક સિદ્ધિ તરીકે જોઈ શકાય. તેમના ભવિષ્ય માટે અનેક શુભકામનાઓ, અને આશા રાખીએ કે તેઓ આગામી વર્ષોમાં રાજ્ય અને રાષ્ટ્રીય સ્તરે વધુ મોટી સિદ્ધિઓ મેળવી ગુજરાતનું ગૌરવ વધારશે.